A Mesa pide á TVG que volva emitir o Xabarín Club polas tardes

Noticia recollida no blog de GZnación 29 Xan 08

A Mocidade pola Normalización Lingüística e o Colectivo de Nais e Pais polo Ensino en Galego, seccións da Mesa pola Normalización Lingüística denuncian a modificación no horario de tarde da TVG, que deixa fóra o ‘Xabarín Club’, o coñecido espazo televisivo infantil da canle pública. Co cambio, o programa fica relegado aos sábados pola mañá e máis a un reducido oco na primeira hora da mañá pola semana de, aproximadamente, unha hora de duración.