TAEKWONDO

O taekwondo (ver na wikipedia) é unha arte marcial que ten a súa orixe en Corea, onde actualmente é deporte nacional. É moi coñecido e popular pola espectacularidade das súas técnicas de pé e actualmente é a arte marcial máis popular do mundo, con millóns de seguidores en todo o planeta; o seu desenvolvemento remóntase a uns 2000 anos atrás, pero co nome de taekwondo coñéceselle dende fai uns 50 anos. Hoxe en día converteuse nun deporte moi estendido. Nos Xogos Olímpicos de Seúl 88 fixo a súa primeira aparición como un deporte de exhibición. Neste evento competiron 183 atletas.