CEIP Montemogos

Hai tempo caín nunha tea de araña.

Nun xardín precioso había unha tea de araña rodeando un pau e pegada a unha pedra con cemento, moi dura.

Cando as teas se me pegaron por toda a cara, intenteinas quitar; pero me producían un escalofrío.

Finalmente Pablo axudoume a quitala.

Uf, menos mal!

Esta é a araña que fixo a tea.

Este curso nenos e nenas de primeiro A elexiron como nome  " A clase do terror"...Certo día...chegoulles a noticia de que os alumnos de quinto A escribiran o pasado ano un libro de historias de terror!!! Foi así como comenzaron a súa andaina de contar as súas historias aos nenos e nenas de primeiro.Uuuuuuuuuuh!

Os libros que máis me gustan para ler son os de Geronimo Stilton. É unha colección que me encanta é ademais son libros que tratan de cousas moi interesantes. Os últimos libros  que saíron á venda, creo, son: "Mi nombre es Stilton , Geronimo Stilton", "¿Quién ha raptado a Lánguida?", "Un disparate viaja a Ratikistan",  "Cuatro ratones en la selva negra", "El galeón de los gatos piratas", "El extraño caso del calamar gigante", "¡Tontorratón el que llegue el último!",... Tamén hai libros á venda de Tea Stilton.

Xenaro e o misterio da mochila verde é un libro creado pola escritora Mar Guerra. Mar Guerra viu ao colexio a darnos unha charla dentro da nosa Semana cultural e das Letras galegas. Todas as persoas da miña clase, a de 5º B, levamos o libro de "Xenaro e o misterio da mochila verde" para que nolo firmase.

O libro estivo moi interesante: trataba dun neno novo que chegou ao colexio de Xenaro. Ese neno era o que levabaa a mochila verde e ao final resultou que roubaba ... pero non, non vou contar o final...LÉDEO QUE É GUAI.

A min encantoume libro !

O libro de Geronimo Stilton "El tercer viaje al reino de la fantasia". Estámolo lendo na casa e no colexio.

Cada día todos os nenos e mestres do cole de Beluso dedicamos vinte minutos á lectura. Algúns  lemos, na nosa casa, arredor de media hora. A verdade que un pouquiño menos.

Collín o libro na biblioteca que agora está moito máis bonita e ocupa dobre espazo do que tiña. Ah! agora usamos o ordenador para os préstamos.

   As nenas e nenos de sexto curso intentamos traducir a nosa carta ao árabe e hebreo, idiomas que se falan en Israel e Palestina.

Esperamos que as poidan entender!                 

CARTA TRADUCIDA AL ÁRABE

 CARTA TRADUCIDA AL HEBREO

Beluso, 1 de abril de 2009.

Estimados nenos e nenas de Gaza:

Somos as nenas e nenos do CEIP Montemogos de Beluso. Gustarianos axudarvos a aliviar un pouco as vosas penas, e para tal fin, elaboramos para vós uns " sacapenas" que vos enviamos. A nosa idea é que con eles poidades por un momento, esquecervos da guerra, non estar tristes e poder xogar un pouquiño. Cando vaiades durmir podedes colocalos baixo da almofada. Esperamos que os coidedes con cariño, coma o que nós puxemos.

Que esta guerra se acabe será o mellor para todos!

Ímosvos contar algo sobre o noso cole.

O noso colexio é moi grande. Hai 166 nenos e nenas. Os profesores e profesoras nos ensinan moito e moi ben. Temos dúas pistas para poder xogar, onde podemos facelo tranquilos sen pensar que pode saír algunha bomba dun avión...e non temos ruídos extraños que producen as guerras.

Temos unha biblioteca moi grande e con moitos libros; un salón de actos onde facemos festivais, vemos películas...; un ximnasio moi frío e un aula de informática onde podemos consultar información...e localizamos Gaza, a 4000 quilómetros de distancia da nosa vila.

Desexamos que esta carta que vos enviamos vos guste e vos anime. Isto é o que pretendemos!

Moitos bicos e abrazos dos nenos e nenas do cole de Beluso. 

Nenos e nenas do noso cole estamos a participar na elaboración duns "sacapenas" para enviar a Gaza, en colaboración co CEIP A RÚA  de Cangas de Morrazo.

 Que son estes "sacapenas"?

A idea do sacapenas xurdiu na aula de primeiro curso de primaria do Ceip A Rúa, donde, nenos e nenas, pensaron que poderían axudar a meniños e meniñas de Gaza  a esquecer un pouco o medo que causa unha guerra. O seu obxectivo é que lle poidan contar unha pena( para poder quedar máis tranquilos), colocándoos debaixos das súas almofadas.

Pero...por que sacapenas para Gaza? Que sucede alí?

O actual conflicto de Gaza comezou o 27 de decembro de 2008 e continúa na actualidade.

A chamada "Franja de Gaza" é unha estreita franxa de terra situada no Oriente Próximo, ao sureste de Israel e ao noroeste da península do Sinaí.

Dentro de Israel hai dúas áreas que están gobernadas polos palestinos. Estas áres son: A Franxa de Gaza e Cisjordania. Os palestinos eclaan que estas dúas áreas sexan recoñecidas como un país independiente con estado palestino, co que non están de acordo os israelitas. (Este conflicto entre israelitas e palestinos xa ven desde a Primeira Guerra Mundial).

Na Franxa de Gaza viven aproximadamente un millón de habitantes, a maioría musulmáns.

As condicións de vida son moi malas debido ao bloqueo israelí, dependendo así económicamente da axuda humanitaria.

Ben, por todo isto xurde esa idea. Nós consideramos que poderíamos darlle aos nenos e nenas aos que irán destinados os nosos agasallos, un pequeno momento de alegría e ilusión como a que temos nós facendo isto para tal fin.

Un bico para todos eles.

Hoxe os nenos e nenas de educación infantil poideron escoitar e ver o libro viaxeiro deste ano As incribles aventuras do esquío e a anduriña. Así puideron saber o que lles aconteceu ao esquío e á anduriña que eles mesmos inventaran como personaxes. O libro foi contado polos nenos e nenas de 3º curso (Dani, Nerea, Xoel, Yerón e Rubén), axudados por Rubén e Cristian de 6º, que mostraban as páxinas do libro.

Onte tivemos un recital poético que tivo como protagonistas a todo o alumnado do colexio, dende os cursos de infantil ata sexto de primaria. Cada curso e grupo de clase recitounos un ou varios poemas dun autor elixido por eles mesmos. Escoitamos poemas de Rosalía de Castro, de Xosé María Álvarez Blázquez, de Manuel María, de Johán Carballeira, e outros máis.

Deixamos aquí tres vídeos de mostra, o primeiro da escola de infantil de Bon.

O seguinte pertence á clase de 2º curso de primaria

E o último da clase de 3º curso de primaria.

Durante este mes, e con motivo do Día do Libro, ten lugar unha exposición no noso cole con todos os disfraces do entroido que fan referencia a personaxes de libros e de contos. No medio deles tamén podedes atopar un feixe de libros e podedes escoller o que máis vos goste para ler.

(Pinchando na foto podedes ver tódalas demais)

Cando os nenos e nenas de educación infantil, acompañados polas súas mestras, crearon e acolleron entre eles o esquío e a andoriña, alguén podía imaxinar que rematarían esforzándose por deixar un planeta Terra máis limpo e habitable, por enfrontarse ao cambio climático dun xeito tan decidido?

Os protagonistas deste conto viaxeiro naceron, medraron e finalizaron as súas aventuras na creación literaria colectiva dos escritores do CEIP de Beluso. Decidiron que comezasen nun bosque a súa andaina, pousasen no tellado dun colexio, non se convertisen en mascotas engaioladas e, en cambio estivesen a piques de morrer nos dentes dunha quenlla e chegasen á illa de Pemba. Máis tarde, levados pola súa curiosidade, adentráronse nas tumbas dos faraóns, polas súas pesquisas, ou a chou, quen sabe?, localizan un tesouro que lles permite convertirse nos Señores da non contaminación.

1. Para ver e ler tódalas páxinas do libro viaxeiro pinchade na foto de abaixo!!

2. Tamén podedes velo como se dun libro se tratase (en issuu). Recoméndase velo a pantalla completa pulsando na opción "Fullscreen" da páxina que se abre.

3. Por último tamén o temos nunha presentación multimedia coa voz dos protagonistas, publicado en SplashCast (no anterior enlace podedes velo coa opción "fullscreen").

Xa para rematar temos aquí as fotos do equipo de gravación: Nerea, Xoel, Dani, Rubén e Yerón.

No país de Galicia hai moitas tendas de totafón. O totafón é un produto que podes saborear ao mesmo tempo que falas. Ao longo do día disfruto do totafón cando me deixa miña nai. É divertidísimo totafonear cos nosos amigos. Pero coidado, non abusar, a factura pode ser bestial.

Había unha vez un rapaz que estaba no cole e empezoulle a doer unha moa, púxose a chorar porque morría de dor. Chegou a casa e díxolle a súa nai que lle doía unha moa. A correr foron ao dentista, e o dentista miroulle a moa e díxolle que tiña que quitala. Quitáronlla e chorou pero o dentista díxolle á nai que tiña que tomar xeados. Entón púxose contento e foron comprar xeados e colorín colorado este conto esta rematado.

Esta historia narra a aventura que viven cinco amigos: Ana, Jorgina, Dik, Julian e o seu can Tim.

Eles marchan de excursión ás montañas. Despois de pasar dous días na granxa piden permiso para hospedarse nunha cabana e alí descobren un castelo onde pola noite se escoitan berros incesantes e estremecedores.

Os cinco xuntos co fillo da vella propietaria da granxa desvelan o que sucede no castelo:

Uns homes teñen prisioneira a unha señora mentres rouban un mineral moi valioso do soto e non tardan en resolver este misterio tan intrigante.

Aquí tedes máis información dos libros de Enid Blyton. 

Hoxe visitounos nas escolas de Curraces, Bon e Cabalo e tamén no cole de Beluso o famoso atrapacontos Anxo Moure, que chegou montado na súa super ciclobiblioteca (unha bici cun cesto cargado de libros).

Logo ensinounos a atrapar os contos, a comelos e a contalos.

Aquí Anxo estalle ensinando o seu corazón reciclado aos nenos. Reciclouno porque se portaba mal. O resto das fotos podedes velas pinchando na de arriba.

Para non esqueceros, moitos dos contos tédelos na páxina de Contos Solidarios.

E xa de despedida imos ver uns vídeos: no primeiro os nenos miran polo miramundos, o corazón dunha árbore, e cando isto fan xa nunca máis poden facerlle dano á natureza.

Moitas grazas, Anxo, e ata pronto.

Hoxe na biblioteca collimos todos o libro dos Simpson. Gustanos moito porque son personaxes que nos fan rir moito. Os pais chámanse Marge e Homer, e os seus fillos son Bart, Lisa e Maggi. Tamén teñen un can que lle chaman Pequeno Axudante de Santa Claus, e un gato, e o seu nome é Bola de Neve. Son moi divertidos!!

O corzo é un animal que vive no medio do bosque e que se alimenta de follas de árbores, de froitas do bosque e de brotes tenros. É moi difícil de ver pois pasa o día escondido entre as árbores.

Máis aló de Fisterre é un libro de poemas que narra os sentimentos do seu autor, Francisco Alvarez Koki , foi imprentado en Pontevedra no 1991, é un libro moi bonito e recoméndovos que o leades.

O seu neto regaloulle un blog cando María Amelia cumpriu 95 anos. Esta avoíña que vive en Muxía ten moitas cousas que contar. Mandámoslle unha aperta moi forte e moitos ánimos para que siga escribindo no seu blog. 

"Neste mundo, hai xente ben intencionada. Poucos son os malos que queren desfacer este universo tan precioso. Eu conténtome e cos meus blogueiros, que son os que me dan a vida e me entreteñen. Ás veces, teño ganas de chorar e, nese momento, uns nenos mándanme unhas cartas. Que marabilla que se acorden dunha anciana. Queren que sexa a súa avoíña. Iso é unha preciosidade. Pero claro, hai xente que me chama tonta, porque a min gústame este internet. Algunhas de 60 anos coméntanme que me paso de moderna, pero eu dígolles que elas nin sequera teñen conversa."

Anímate a visitar o seu blog amis95.blogspot.com