CEIP Montemogos

Os nenos e nenas de 5º curso fomos ó monte Aloia (ver na Galipedia) o ano pasado e pasámalo moi ben.

Comemos nunhas mesas de pedra e despois de comer, como había unha tenda cerca, algúns nenos e nenas fomos comprar xeados. Despois fomos a unha fonte e a un parque no que todo estaba feito de madeira. Foi un día moi especial e regresamos á nosa casa moi cansos de tanto camiñar.

Había unha vez un granxeiro e un raposo que estaban no campo.

O raposo empezou a comer as galiñas diante dos propios fuciños do granxeiro, que moi rabioso foi correndo á súa casa buscar a escopeta.

Cando chegou de volta xan non había nin galiñas nin raposo.

Daquela amarrou a escopeta polo gatillo a unha árbore e puxo unha galiña morta diante.

O raposo, que non era parvo, subiu á árbore, traboulle á corda, a escopeta caeu e levou a galiña.

Xa sabiamos que o raposo é o animal máis listo do mundo!!

O pasado día 15 de febreiro os alumnos e alumnas de 5º e 6º de Primaria fomos a Vigo ver un concerto ao Auditorio de Caixanova. Alí ensináronnos os instrumentos e fixeron un concerto para todos os alumnos, onde nós tamén puidemos participar.

Despois de merendar visitamos a exposición de Picasso na fundación Pedro Barrié de la Maza. Contemplamos cadros que pintou Picasso e ao rematar a visita, fixemos unhas cabezas en 3D para mostrar o nosa creatividade e imitar o maestro do cubismo.

O día venres 15 imos de excursión a Vigo, ver a exposición de Picasso, na sede da Fundación Pedro Barrié de la Maza.

Pablo Ruiz Picasso foi un pintor español nado en Málaga en 1881. Cando tiña 22 anos foise vivir a París e morreu alá en 1973. Foi o fundador do cubismo -movemento pictórico que revolucionou a pintura do século XX.

(Se queres saber máis pincha co rato na foto).

Tamén antes de ir ver a exposición de Picasso, iremos a un concerto de instrumentos.

O venres pasado vimos a película "Quero ser como Beckam". Contaba as aventuras dunha moza que quería ser futbolista e a súa familia non a deixaba. Pero... ó final conseguiuno! Animámovos a vela.

O pasado venres 23 de novembro, no colexio público de Beluso proxectaron a película "Quero ser como Beckham ". A protagonista chamábase Jesminder e quería ser unha futbolista profesional. O seu ídolo era o famoso David Beckham. Pero tiña problemas cos seus pais: Eles xa tiñan a vida de Jesminder organizada!, querían casala cun home do seu pobo e que fose unha boa cociñeira e muller da súa casa.

Un día Jesminder saiu a comprar. De regreso atopouse uns amigos que estaban xogando ao fútbol nun parque e invitárona e participou. Mentres xogaban pasou por alí unha moza que facía exercicio e quedouse pasmada co ben que xogaba. Cando acabou o partido a moza foi falar con Jesminder e díxolle se quería xogar nun equipo de fútbol feminino. Ela aceptou.

Ao final saíulle todo ben e ata conseguiu unha bolsa de estudos para unha universidade.

No colexio estanse facendo as ligas de: balonmán, futbito e baloncesto. Na escola xogamos as de 3º, 4º, 5º e 6º. 

O profesor de educación física encárgase de facer as ligas, e así no recreo facemos deporte. A nos gústanos xogar moito, pois apuntámonos a case todas as cousas.

O pasado día 9 de novembro celebrouse o magosto no C.E.I.P Montemogos. Todas as nenas e os nenos, ansiosos agardaban polas castañas.

Nesta foto amosamos como o conserxe Moisés lle daba voltas ás castañas que finalmente lle quedaron deliciosas.

Hoxe levamos unha farta de tortilla no último día antes das vacacións. Agora toca pasalo ben no verán

Esta semana temos unha exposición no cole coas obras de pintura que realizaron os nenos e nenas do obradoiro de actividades extraescolares, organizado pola ANPA. Aquí temos as fotos:

O vindeiro mércores, día 6 de xuño, os alumnos e alumnas de 6º curso de Primaria vamos visitar o IES Illa de Ons para coñecer como é o novo centro ó que vamos ir o próximo ano.

Temos moitas preguntas para facer:

1. Como é o instituto, cantas aulas hai... hai biblioteca, sala de informática, ximnasio, cafetería...?
2. A que hora comezan as clases, cando terminan, cal é a hora do recreo...
   
3. Que materias hai no primeiro curso...hai optativas?
4. Imos ter moitos profesores?
5. .....

Mentres vamos alá, xa nos vamos informando acerca das cousas da ESO para aforrarlles preguntas á directora. Aquí tedes o que vamos atopando en internet:

Plan de Estudos (materias por cada curso)

Hoxe, día 6 visitamos o Instituto e a orientadora María José ensinounos a secretaría, a recepción onde estaba a bedel, o patio, o ximnasio, a sala de profes e a aula de francés, onde a directora Concha nos deu unha charla e respondeu ás nosas preguntas. Estivo moi ben. Antes de marchar vimos a cafetería e invitáronnos a unhas gominolas... así que xa non queriamos volver a Beluso. 

Temos unhas fotos cunha panorámica do Instituto, o ximnasio e o patio. 

Coñeces as actividades CLIC? Seguro que si. Aquí podes buscar calquera delas e facela directamente en internet.

 Nesta páxina podes ver a través dunhas animacións o funcionamento de distintos procesos, aparatos, etc.

Son os obradoiros de teatro, música, tecnoloxía, creatividade... e tamén de xadrez. Aquí podedes ver unhas fotos do obradoiro de xadrez.

Aquí atoparás a historia da Galicia imaxinaria: un feixe de mitos, lendas, ritos, contos, romances e aventuras.

Moitos poemas interpretados por diversos cantantes